Frístundaheimilið Gulahlíð

Sumar og sól

Það...er...frábært að hafa svona gott veður sól og sælu. Við erum búin að vera mikið úti að leika okkur, í gönguferðum og búin að fara í nokkrar ferðir.

Vikan 3.-7.mai

Við byrjuðum vikuna á að opna farandsýninguna okkar “dagur og nótt” á Borgarbókasafninu. Krakkarnir voru mjög stolt og buðu alla velkomna. Endilega kíkið á sýninguna, allir krakkarnir okkar eru með myndir eftir sig, eina sem er “dagur” og eina sem er “nótt”, og eru myndirnar merktar nöfnunum þeirra.

Gulahlíð

Gleðilegt sumar öll sömul og takk fyrir veturinn.

Í vikunni skelltum við okkur öll í heimsókn í Ævintýrahöllina á Fríkirkjuvegi 11. Krakkarnir gátu valið um að fara í dans-smiðju, Erro-smiðju og slettulist. Margir völdu sér dans-smiðjuna og skemmtu sér konunglega, hefðum getað verið þarna langt fram á kvöld því það var svo margt skemmtilegt um að vera.