Íþrótta- og tómstundaráð Reykjavíkur rekur Vogasel, frístundaheimili Vogaskóla. Frístundaheimilið Vogasel er eitt af sjö frístundaheimilum sem tilheyra Kringlumýri, sem er frístundamiðstöð Laugardals og Háaleitis. Kringlumýri sér einnig um rekstur fimm félagsmiðstöðva og frítímastarfs fatlaðra, sem eru þrjú frístundaheimili við Öskjuhlíðarskóla og frístundaklúbburinn Hofið. Hægt er að skoða heimasíður þessara starfsstaða í gegnum heimasíðu Kringlumýrar.
Í Vogaseli hafa nemendur á aldrinum 6-9 ára þann möguleika að kynnast hinum ýmsu tómstundum eftir að hefðbundnum skólatíma lýkur. Leitast er við að hafa starfið sem fjölbreyttast svo að allir finni eitthvað við sitt hæfi.
Gjaldið fyrir 5 daga vikunnar í vistun er 8.365 kr. á mánuði og síðdegishressing er í boði fyrir 2.150 kr. aukalega. Skráning fyrir viðveru í frístundaheimilinu fer fram með rafrænum hætti á heimsíðunni
www.reykjavík.is
Þegar frí er í skólanum á virkum dögum er opið í Vogaseli frá klukkan 8:00 um morguninn og til 17.15. Þá er auglýst sérstaklega eftir skráningu þeirra barna sem eiga að mæta og rukkað er aukalega 890 kr. fyrir tímann frá klukkan 8-13.30. Skila þarf inn sérstökum eyðublöðum vegna þeirrar skráningar.
Vogasel leitast við að nota lýðræðislega starfshætti
Vogasel vill efla hæfni barnanna til að móta sér sjálfstæðar skoðanir og hafa áhrif á umhverfi sitt og aðstæður.
Við leggjum áherslu á barnalýðræði í frítímanum. Keppikefli okkar er að börnunum líði vel, að þau finni fyrir væntumþykju hjá okkur og séu frjálsleg og einlæg í samskiptum og framkomu.
Við sjáum þetta svona:
Barnið kemur úr vinnu sinni, sem er skólinn, í Vogasel, barnið hefur lokið vinnuskyldu sinni og hefur nú tækifæri til að njóta frítíma síns. Við teljum því mikilvægt að þau fái að flæða frjáls milli svæða sem eignuð eru ákveðnum verkefnum; Listakot, Kaffikot, Leikkot, Kósýkot og Útikot.
Jafnframt viljum við kenna börnunum ábyrgð og skuldbindingu. Við höfum valið að gera það með því að bjóða börnunum að skrá sig í klúbba. Skráningin er vikulega og algerlega bindandi fyrir þá viku. Þeir klúbbar sem voru í boði síðasta vetur voru m.a.: föndurklúbbur, ævintýraklúbbur, perluklúbbur, íþróttaklúbbur og bókasafnsklúbbur. Í þessum klúbbum eru þau í fyrirfram ákveðnum verkefnum og fylgja fyrirmælum starfsmanns. Að öðru leiti eru börnin í frjálsum leik og frjálsri listsköpun í Vogaseli.
Starfsfólk Vogasels samanstendur af 11 konum og körlum á aldrinum 20-36 ára sem eru í 30-70% starfi og umsjónarmanni í 100% starfi. 5 starfsmannanna eru háskólamenntaðir og eru hinir í menntaskóla eða háskóla.
Símanúmerið í Vogaseli er 411-7362 & 664 7669.
Netfang: vogasel@itr.is