5. -  7. bekkur í Tónabæ

Eftir áramót verður félagsmiðstöðin Tónabær opin á þriðjudögum eftir skóla (eða frá kl. 14:00) fyrir krakka í 5. - 7. bekk í Álftamýrar- og Hvassaleitisskóla til kl. 16:30. Um er að ræða opið hús og smiðjur fyrir þessar bekkjardeildir. Nokkur breyting hefur orðið á starfinu núna eftir áramót á þann hátt að núna bjóðum við 5. bekkinga velkomna annan hvern þriðjudag ásamt því að bjóða upp á stutt námskeið eða smiðjur fyrir allar bekkjardeildirnar.

Annan hvern þriðjudag verður opið hús fyrir 6. og 7. bekk með skipulagðri dagskrá. Ekki þarf að skrá krakkana sérstaklega til þátttöku í það heldur er öllum frjálst og koma og fara eins og þeim hentar á þessum tíma.

Hina þriðjudagana í mánuðinum verða stutt námskeið eða smiðjur fyrir krakkana. Þá verður sér smiðja fyrir 5. bekk og önnur fyrir 6. og 7. bekk. Í það þurfa krakkarnir að skrá sig sérstaklega en það munu þau geta gert í skólanum samdægurs í frímínútum. Einungis komast 16 til 20 krakkar að í hverja smiðju en fjöldinn fer eftir smiðjunum hverju sinni.

Starfið er liður í því að kynna starf félagsmiðstöðvarinnar og það sem þar fer fram fyrir tilvonandi unglingum í hverfinu. Starfsmenn Tónabæjar hafa umsjón með starfinu og skipuleggja dagskrá í samstarfi við krakkana og verða krökkunum innan handar í því sem í boði er í félagsmiðstöðinni. Þar er t.d billjardborð, borðtennisborð, spil, föndurdót, bandývöllur, dansgólf, leikjatölvur, sjónvarp, videó, dvd, o.fl. Athugið að ekkert gjald er tekið fyrir þátttöku.

Vonumst til að sjá sem flesta!