17.8.2010
Vetrarfrístund (6-9 ára börn)
Nú er síðasta vika sumarfrístunda hafin.
Vetrarfrístund hefst svo næstkomandi þriðjudag, 24. ágúst.
Verið er að vinna í innra skipulagi og starfsmannaráðningum fyrir komandi vetur.
Ánægjulegt er að segja frá því að um 700 umsóknir hafa borist á frístundaheimili Kringlumýrar fyrir komandi vetur.
Þessa dagana er unnið hörðum höndum að því að samþykkja umsóknir samhliða því sem starfsmenn eru ráðnir til starfa.
Frístundaheimilin í okkar hverfi eru:
Álftabær við Álftamýraskóla (Linda, GSM: 664-7611)
Sólbúar við Breiðagerðisskóla (Valdi, GSM: 664-7612)
Neðstaland við Fossvogsskóla (Fríða Björk, GSM: 664-7613)
Krakkakot við Hvassaleitisskóla (Biddý, GSM: 664-7670)
Glaðheimar við Langholtsskóla (Mýa, GSM: 664-7617)
Lagarsel við Laugarnesskóla (Kristín, GSM 664-7618 & Sædís, GSM: 664-7655)
Vogasel við Vogaskóla (Rakel, GSM: 664-7619)
Sé frekari upplýsinga óskað er hægt að hafa samband við verkefnisstjóra viðkomandi frístundaheimilis eða deildarstjóra barnasviðs.
Með kærri kveðju
Inga Björk
Deildastjóri barnasviðs
11.6.2010
Grill og heimsókn frá Vogaseli
Í dag föstudag grilluðum við pylsur í góða veðrinu, en veðrið lék við okkur í dag. Við fengum skemmtilega heimsókn frá Sumarfrísund í Vogaseli. Allir fengu pylsur og djús. Krakkarnir léku sér úti í góða veðrinu það var frjálst úti, börnin í Vogaseli skemmtu sér vel á útisvæðinu, farið var m.a í einakrónu, einnig var kastali á Hvassó lóðinni mjög vinsæll hjá börnunum í Vogaseli þar sem þau höfðu aldrei leikið sér í honum áður. Deginum lauk svo með frjálsum leik inni, þeir sem vildu fengu að horfa á HM aðrir voru niðri í litla húsinu okkar þar í söngavakeppninsleik. En allir voru sammála um að dagurinn var góður og skemmtilegur. Það voru þreytt en ánægð börn sem fóru heim til foreldra sinna að lokinni sumarfrístund þennan daginn.
8.6.2010
Heimsókn í Ármann og útifjör í Laugardalnum
Í dag heimsóktum við fimleika deild Ármanns í Laugardalnum þar sem við vorum í klukkutíma í ýmsum æfingum og leikjum. Við byrjuðum með smá upphitun þar sem við hlupum um og hoppuðum áður en við færðum okkur yfir á trampólínin og hin tækin sem okkur bauðst til að prófa. Við viljum þakka Ármenningum kærlega fyrir frábærar móttökur. Eftir eftir fimleikana löbbuðum við í grasagarðinn þar sem við borðuðum nestið okkar og lékum okkur i orminum og sóluðum okkur í góða veðrinu.